Автономды орнату пакетін жасау

Сіз және сіздің ұйымыңыздағы құрылғы пайдаланушылары бағдарламаларды құрылғыларға қолмен орнату үшін жеке орнату пакеттерін пайдалана аласыз.

Жеке орнату пакеті, Веб-серверге, ортақ қатынасы бар қалтаға орналастыруға немесе клиент құрылғысына басқа тәсілмен жіберуге болатын орындалатын файл (installer.exe) болып саналады. Жеке орнату пакетіне сілтемені электрондық пошта арқылы жіберуге де болады. Бағдарламаны Kaspersky Security Center қатысуынсыз орнату үшін, алынған файлды клиент құрылғысында жергілікті түрде іске қосуға болады.

Жеке орнату пакетінің авторизацияланбаған тұлғаларға қолжетімді емес екеніне көз жеткізіңіз.

"Лаборатория Касперского" бағдарламалары үшін де, Windows, macOS және Linux үшін үшінші тарап бағдарламалары үшін де жеке орнату пакеттерін жасай аласыз. Үшінші тарап бағдарламаларына арналған жеке орнату пакетін жасау үшін, алдымен пайдаланушы орнату пакетін жасау керек.

Жеке орнату пакеттерін жасау көзі, Басқару серверінде жасалған тізімдегі орнату пакеттері болып табылады.

Жеке орнату пакетін жасау үшін:

Консоль ағашынан Басқару сервері → Кеңейтілген → Қашықтан орнату → Орнату пакеттері түйінін таңдаңыз.
Басқару серверінде қолжетімді орнату пакеттерінің тізімі көрсетіледі.
Орнату пакеттері тізімінен автономды пакет жасауды қажет ететін орнату пакетін таңдаңыз.
Мәнмәтіндік мәзірде Жеке орнату пакетін жасау тармағын таңдаңыз.
Нәтижесінде, автономды орнату пакетін жасау шебері іске қосылады. Шебердің жұмысын жалғастыру үшін Келесі түймесін басыңыз.
Шебердің бірінші бетінде, егер сіз "Лаборатория Касперского" бағдарламасы үшін орнату пакетін таңдасаңыз және таңдалған бағдарламамен бірге Желілік агент орнатқыңыз келсе, Желілік агентті осы бағдарламамен бірге орнату параметрі қосулы екеніне көз жеткізіңіз.
Әдепкі бойынша, параметр қосулы. Құрылғыда Желілік агенттің орнатылғанына сенімді болмасаңыз, осы параметрді қосу ұсынылады. Желілік агент құрылғыда бұрыннан орнатылған болса, онда Желілік агентпен бірге жеке орнату пакетін орнатқаннан кейін, Желілік агент ең жаңа нұсқасына дейін жаңартылатын болады.

Осы параметрді өшіретін болсаңыз, Желілік агент құрылғыға орнатылмайды және құрылғы басқарылатын болмайды.

Егер таңдалған бағдарлама үшін жеке орнату пакеті Басқару серверінде бұрыннан бар болса, шебер бұл туралы хабарды көрсетеді. Бұл жағдайда, келесі әрекеттердің бірін таңдауыңыз керек:
- Жеке орнату пакетін жасау. Бағдарламаның жаңа нұсқасы үшін жеке орнату пакетін жасаңыңыз келсе және сіз бұған дейін жасаған бағдарламаның алдыңғы нұсқасы үшін жеке орнату пакетінің қалғанын қаласаңыз, осы параметрді таңдаңыз. Жаңа жеке орнату пакеті басқа қалтада орналасқан.
- Бар жеке орнату пакетін пайдалану. Бар жеке орнату пакетін пайдалануды қаласаңыз, осы параметрді таңдаңыз. Пакет жасау процесі іске қосылмайды.
- Бұрыннан бар жеке орнату пакетін қайта құрастыру. Дәл осы бағдарлама үшін жеке орнату пакетін тағы да жасағыңыз келсе, осы параметрді таңдаңыз. Жеке орнату пакеті дәл осы қалтада орналастырылады.
Шебердің келесі бетінде Тағайындалмаған құрылғыларды осы топқа жылжыту параметрін таңдап, оларға Желілік агент орнатқаннан кейін клиент құрылғыларын жылжытқыңыз келетін басқару тобын көрсетіңіз.
Әдепкі бойынша, құрылғылар Басқарылатын құрылғылар тобына жылжытылады.

Желілік агентті орнатқаннан кейін, клиент құрылғысын қандай да бір басқару тобына жылжытқыңыз келмесе, Құрылғыларды жылжытпау параметрін таңдаңыз.
Шебердің келесі бетінде, жеке орнату пакетін жасау процесі аяқталғаннан кейін жеке орнату пакетін жасау нәтижесі және оған апаратын жол көрсетіледі.
Сілтемелерден өтіп, келесі әрекеттерді орындауға болады:
- Жеке орнату пакеті бар қалтаны ашу.
- Жасалған жеке орнату пакетіне сілтемені электрондық пошта арқылы жіберіңіз. Ол үшін электрондық поштамен жұмыс істеуге арналған бағдарламаны іске қосу қажет.
- Сілтемені веб-сайтқа орналастыру үшін HTML кодының үлгісін көшіріп алу. Мәтіндік файл (TXT пішімінде) TXT пішімімен байланысты бағдарлама арқылы жасалады және ашылады. Файлда атрибуттары бар <a> HTML-тегі көрсетіледі.
Егер сіз жеке орнату пакеттерінің тізімін ашқыңыз келсе, шебердің келесі бетінде Автономды пакеттер тізімін ашу параметрін қосыңыз.
Дайын түймесін басыңыз.
Автономды орнату пакетін жасау шебері жабылады.

Жеке орнату пакеті жасалып, Басқару серверінің ортақ қатынасы бар қалтасының PkgInst салынған қалтасына орналастырылған. Орнату пакеттері тізімінің үстінде орналасқан Автономды пакеттердің тізімін көру түймесін басып, жеке орнату пакеттері тізімін қарап шыға аласыз.

Басына оралу